කොළඹ ප්‍රදේශ කිහිපයකට පැය 18 ක් ජල සැපයුම අත්හිටුවයි
කොළඹ ප්‍රදේශ කිහිපයකට අද පෙරවරු 09.00 සිට පැය 18ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසනවා.
ප්‍රධාන සම්ප්‍රේෂණ නල මාර්ගයක අලුත්වැඩියා කටයුත්තක් හේතුවෙන් ජල සැපයුම අත්හිටුවීමට සිදුව ඇති බවයි එම මණ්ඩලය පැවසුවේ.
ඒ අනුව අද පෙරවරු 09.00 සිට 20 වන ඉරිදා අළුයම 03.00 දක්වා කොළඹ 01,02,10 සහ 12 යන ප්‍රදේශවලට ජල සැපයුම් අත්හිටුවිමට නියමිතයි.
අදාල කාලය තුල කොළඹ 03,04,07,08 සහ 09 යන ප්‍රදේශවලට ද අඩු පීඩනයක් යටතේ ජලය සැපයෙන බවද ජල සම්පාදන හා ජලාපවාහන මණ්ඩලය සදහන් කළා.
