පාතාලයට ගිනි අවි සැපයූ පුද්ගලයෙකු අත්අඩංගුවට
සංවිධානාත්මක අපරාධ කල්ලි සාමාජිකයින්වන අංගොඩ ලොක්කාට සහ සොල්ටා යන පුද්ගලයින්ට ගිනි අවි සැපයූ පුද්ගලයෙකු අංගොඩ ප්‍රදේශයේදී අත්අඩංගුවට ගෙන තිබෙනවා.
පොලිස් විශේෂ කාර්යය බලකායට ලද තොරතුරකට අනුව ඊයේ රාත්‍රී 11ට පමණ සිදුකළ වැටලීමකදී අදාළ සැකකරු අත්අඩංගුවට ගෙන තිබෙනවා.සැකකරු අවුරුදු 38 වයසැති හංවැල්ල ප්‍රදේශයේ පදිංචිකරුවෙක්.
අත්අඩංගුවට ගන්නා අවස්ථාවේ සැකකරු සතුව තිබී මෙරට නිෂ්පාදිත ගල්කටස් වර්ගයේ ගිනි අවි දෙකක් සහ ටී-56 ජීව පතොරම් 18ක් සොයාගෙන තිබෙනවා.සැකකරු අද අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතයි.
