මාතර – අකුරැස්ස මාර්ගයේ තෙලිජ්ජවල ගම්සභා හන්දියේදී සිදුවූ රිය අනතුරකින් පුද්ගලයෙකු ජීවිතක්ෂයට
මාතර – අකුරැස්ස මාර්ගයේ තෙලිජ්ජවල ගම්සභා හන්දියේදී සිදුවූ රිය අනතුරකින් පුද්ගලයෙකු මියගොස් තිබෙනවා.
පුද්ගලික බස් රථයක ඉදිරියෙන් පැමිණි යතුරු පැදියක් ගැටීමෙන් අනතුර සිදුව ඇති බවයි පොලීසිය සදහන් කළේ.
අනතුරෙන් බරපතල තුවාල ලැබූ යතුරුපැදිකරු මාතර රෝහලට ඇතුළත් කිරීමේදී මියගොස් තිබෙනවා.
මියගොස් ඇත්තේ අකුරැස්ස – මලිදුව ප්‍රදේශයේ පදිංචිව සිටි 38 හැවිරිදි පුද්ගලයෙක්.
අනතුර සම්බන්ධයෙන් බස්රථ රියදුරු අත්අඩංගුවට ගෙන ඇති අතර මාලිම්බඩ පොලිසිය වැඩිදුර විමර්ශන සිදුකරනවා.
