මියගිය රත්මලානේ රොහා නැමැත්තාගේ සමීපතමයින් දෙදෙනෙකු ඇතුළු සැකකරුවන් හය දෙනෙකු අත්අඩංගුවට
ජීවිතක්ෂයට පත්ව ඇති සංවිධානාත්මක අපරාධ කල්ලි නායකයෙකු වූ රත්මලානේ රොහා නැමැත්තාගේ සමීපතමයින් දෙදෙනෙකු ඇතුළු සැකකරුවන් හය දෙනෙකු පොලිස් විශේෂ කාර්ය බලකායේ නිලධාරීන් විසින් අත්අඩංගුවට ගෙන තිබෙනවා.
ඒ වස්කඩුව ප්‍රදේශයේ ඊයේ රාත්‍රියේ විශේෂ කාර්ය බලකායේ සංවිධානාත්මක අපරාධ මර්දන ඒකක නිලධාරීන් කණ්ඩායමක් විසින් මෙම වැටලීම සිදුකර තිබෙනවා.
වස්කඩුව ප්‍රදේශයේ අවන්හලකදී අදාළ සැකකරුවන් අත්අඩංගුවට ගෙන ඇති අතර වැඩිදුර විමර්ශන සඳහා ඔවුන් කළුතර උතුර පොලිස් ස්ථානය වෙත භාරදී තිබෙනවා.
